پاکستان کې د افغان محصلینو نوې اندېښنه؛ د لاهور سترې محکمې د افغان طبي محصلینو د ایستلو مخه ونیوله

د لاهور سترې محکمې د پنجاب طبي پوهنځیو ته امر کړی چې افغان طبي محصلین له زده کړو نه وباسي او نه هم د هغوی ازموینې لغوه کړي. د محکمې د راتلونکې اورېدنې تر ترسره کېدو پورې به په پنجاب کې د افغان محصلینو د ایستلو پرېکړه نه عملي کېږي، خو د پاکستان په نورو ایالتونو کې افغان محصلین لا هم له نامعلوم وضعیت سره مخ دي.