پاکستان: اسلام اباد کې د طالبانو د مخالفینو غونډه ځنډېدلې ده؛ په راتلونکو غونډو کې به طالبانو ته هم بلنه ورکړل شي

ټاکل شوې وه چې د طالبانو د مخالفینو یوه غونډه نن په اسلام آباد کې پیل شي، خو دا غونډه د یوې میاشتې لپاره ځنډول شوې ده. په لومړۍ غونډه کې طالبانو ته د ګډون بلنه نه ده ورکړل شوې، خو د پاکستان د سويلي اسیا د ستراتیژیک ثبات انسټیټیوټ مشرې، ماریا سلطان اس بي اس پښتو ته ویلي چې طالبانو ته به راتلونکو غونډو کې بلنه ورکړل شي. مهرباني وکړئ لا ډېر معلومات د اسلام ګل افریدي په رپوټ کې واورئ.