کک باکسر رابعہ نور کا صنفِ نازک سے صنفِ آہن بننے کا سفر

گھر سے اجازت نہیں ملے گی، معاشی حالات ابتر ہیں، رشتے داروں اور محلے والوں کی باتیں سننے کا بھی ڈر، کراچی (پاکستان) کے گنجان آباد علاقے بلدیہ کی ایک کچی آبادی سے تعلق رکھنے والی رابعہ نور نے جب کک باکسنگ کے رنگ میں قدم رکھا تو ان کے کانوں میں یہ باتیں بار بار گونج رہی تھیں لیکن 17 سالہ رابعہ نور میں ایک شوق، جنون اور کچھ کرنے کا عزم بھی موجود تھا جس نے اُنھیں اِن تمام تر رکاوٹوں سے نہ صرف عبور کروایا بلکہ اُنھوں نے پاکستان کے ساتھ ساتھ کک باکسنگ کے بین الاقوامی ٹورنامنٹس میں بھی کامیابیاں سمیٹنا شروع کردیں۔