روایت یک پولیس افغان‌تبار در سیدنی: وقتی افغان‌ها می‌شنوند دری صحبت می‌کنم هم خوشحال می‌شوند هم شگفت‌زده

پیوستن به پولیس در آسترالیا برای افرادی با پیشینه مهاجرت، فرصتی برای پیوند محکم‌تر میان جوامع چندفرهنگی و نهادهای دولتی است. اس‌بی‌اس دری با ولی احدی جوان افغان‌تباری‌که پس از فراغت از اکادمی پولیس، اکنون در صفوف نیروی پولیس ایالت نیو ساوت ویلز، ایفای وظیفه می‌کند مصاحبه کرده‌ است. آقای احدی در این مصاحبه از چالش‌های زبانی و فرهنگی ابتدایی، حمایت همکارانش در آکادمی، و برنامه‌های جدید تسهیلاتی برای استخدام جوانان از پیشینه‌های متنوع فرهنگی و زبانی سخن می‌گوید.